சத்திய ஜோதி தெரியுதையா பாடல்

சத்திய ஜோதி தெரியுதையா

நித்திய வாழ்வு புரியுதையா 

சாஸ்தா ஆலயம் தெரியுதையா

சங்கடம் எல்லாம் மறையுதையா

- சத்திய

மாமலை ஏறிப் போகையிலே

மனதில் இன்பம் தோன்றுதையா

சபரிக் காட்டில் நடக்கையில்

சாந்தி நிறைந்து தோன்றுதையா

- சத்திய

பதினெட்டாம் படிகள் தாண்டையிலே

பக்தியும் எல்லையைத் தாண்டுதையா

பந்தளக் குழந்தையைக் காண்கையிலே

சிந்தையில் சொர்க்கம் தோன்றுதையா

- சத்திய

ஐயனை மனதில் நினைக்கையிலே

ஐயம் எல்லாம் அகலுதையா

மகர ஜோதியைக் காண்கையிலே

மரணத்தின் பயமும் தீருதையா

- சத்திய

கார்த்திகை மாதம் மாலையிட்டு

காலையும் மாலையும் பூஜையிட்டு

இருமுடி தலையில் சுமந்து வந்து உன்

திருவடி துனையென நாடி நின்றோம்

- சத்திய